महाराष्ट्र नवनिर्माण सेनेचे अध्यक्ष राज ठाकरे यांच्या पाडवा मेळाव्यातील जलप्रदूषण याबाबत आदेशनुसार जिल्हाध्यक्ष अविनाश सौन्दळकर यांच्या सुचनेवर मनसे शिष्टमंडळ रत्नागिरी औद्योगिक वसाहतीतुन होणाऱ्या प्रदूषण बाबतीत इशारा पत्र देण्यासाठी प्रदूषण नियंत्रण मंडळाच्या उपप्रादेशिक अधिकारी ना भेटण्यासाठी गेले असता अधिकारी जागेवर नसतात, बाहेर असतात अशी उत्तर मिळताच मनसे उपजिल्हाध्यक्ष अरविंद मालाडकर यांनी थेट उपप्रादेशिक अधिकारी यांनाच फोन केला. त्यावेळी त्यांनी सांगितलं की माझ्या कडे अतिरिक्त कार्यभार असलेने मी जमेल तसा येतो. येणार असेल तर तेव्हा कळवतो. ही गोष्ट ऐकताच सर्व मनसे पदाधिकारी नी जिल्हाधिकारी यांचे कडे धाव घेऊन त्या विभागाच्या गैरकारभाराचा पाढाच वाचला. यां असल्या जाणीवशून्य अधिकारी मुळेच रत्नागिरी मधील प्रदूषण वाढत चालले आहेत. अधिकारीच सोईस्कर वागत असल्यामुळे औद्योगिक वसाहतीतील काही उद्योजकांचे धाडस वाढले आहेत.
मत्स्य प्रक्रिया करणाऱ्या कारखान्यामधुन दूषित पाणी टँकर द्वारे थेट समुद्रात सोडले जाते व त्यामुळे समुद्रात व खाडी मध्ये प्रदूषण वाढून त्याचा मासेमारीवर परिणाम होतं असल्याबाबत जाब विचारण्यासाठी गेले होते. निवासी जिल्हाधिकारी यांना याबाबत पत्र देऊन संबंधित विभागाची तक्रार करण्यात आली आहे. आगामी 2 दिवसात संबंधित अधिकारी बरं कारवाई न झाल्यास तसेच प्रदूषण करणाऱ्या वर कारवाई न झाल्यास महाराष्ट्र नवनिर्माण सेने मार्फत प्रदूषण नियंत्रण मंडळाच्या रत्नागिरी कार्यालयास टाळे ठोकून मनसे स्टाईल आंदोलनाचा व यां विभागाचे संबंधित अधिकारी शोध मोहीम राबावण्याचा इशारा या बातमीद्वारे देण्यात आला आहे.
याप्रसंगी जिल्हा सचिव व कामगार सेना जिल्हा चिटणीस महेंद्र गुळेकर उपजिल्हाध्यक्ष अरविंद मालाडकर मा. तालुकाध्यक्ष सचिन शिंदे शहर अध्यक्ष बाबय भाटकर महिला शहर अध्यक्ष शुस्मिता सुर्वे महिला शहर सचिव संपदा राणा कार्यालय प्रमुख शैलेश मुकादम इत्यादी उपस्थित होते.
