महाराष्ट्र राज्य खादी व ग्रामोद्योग मंडळ
मधुमित्र’ व ‘मधुसखी’ पुरस्कारासाठी ४ मे पर्यंत पुरस्कारांसाठी अर्ज करा
रत्नागिरी, (जिमाका) : महाराष्ट्र राज्य खादी व ग्रामोद्योग मंडळाच्यावतीने सन २०२६ साठी ‘मधुमित्र’ व ‘मधुसखी’ पुरस्कारांसाठी नामांकन मागविण्यात येत आहेत. मधमाशीपालन व्यवसायाला चालना देणे व मधपालकांना प्रोत्साहन देणे हा या उपक्रमाचा मुख्य उद्देश असून, गेल्या तीन वर्षांपासून ही योजना राबविण्यात येत आहे. तरी इच्छुकांनी आपले अर्ज दि. ४ मे २०२६ पूर्वी संबंधित जिल्हा कार्यालयात सादर करावेत, असे आवाहन प्र. जिल्हा ग्रामोद्योग अधिकाऱ्यांनी केले आहे.
क्षेत्रात उल्लेखनीय कार्य करणाऱ्या यशस्वी मधपालकांना प्रथम, द्वितीय व तृतीय क्रमांकाने सन्मानित करण्यात येणार आहे. यातील एक पुरस्कार महिला मधमाळीसाठी राखीव आहे. पुरस्कारांची रक्कम अनुक्रमे प्रथम रु. ११ हजार, द्वितीय रु. ७ हजार व तृतीय रु. ५ अशी आहे.
दि. २० मे २०२६ रोजी जागतिक मधमाशी दिन निमित्त पुणे येथे आयोजित समारंभात पुरस्कारांचे वितरण करण्यात येणार आहे. नामांकन अर्ज मंडळाच्या www.mskvib.org या संकेतस्थळावर तसेच जिल्हा खादी ग्रामोद्योग कार्यालयात उपलब्ध आहेत.
अधिक माहितीसाठी संपर्क जिल्हा ग्रामोद्योग अधिकारी, जिल्हा कार्यालय – संपर्क क्र. ८०८७६५६२१६, मधुक्षेत्रिक – ९४०४४९६६२१, संचालक, मध संचालनालय, महाबळेश्वर दू.क्र. 02168-260264.