सावर्डे – क्रीडा व युवक सेवा संचालनालय महाराष्ट्र राज्य पुणे आणि जिल्हा क्रीडा अधिकारी कार्यालय रत्नागिरी यांच्या विद्यमाने एस. व्ही. जे. सी. टी. डेरवण येथे चिपळूण तालुकास्तरीय शालेय मैदानी स्पर्धेचे आयोजन करण्यात आले. या स्पर्धेत सह्याद्री शिक्षण संस्था संचलित गोविंदराव निकम माध्यमिक व उच्च माध्यमिक विद्यालय, सावर्डे येथील विद्यार्थ्यांनी उल्लेखनीय कामगिरी करत सर्वांचे लक्ष वेधून घेतले आहे.
14 वर्षांखालील मुलींच्या गटात कस्तुरी घाग हिने 100 मीटर धावण्यात, तर इच्छा राजभर हिने 400 आणि 600 मीटर धावण्यात प्रथम क्रमांक पटकावला. गार्गी कातकर हिने गोळाफेक स्पर्धेत तृतीय क्रमांक मिळवला, तसेच 4 x 100 मीटर रिले संघाने प्रथम क्रमांक मिळवला.
मुलांच्या गटात संस्कार घाणेकर (लांब उडी-द्वितीय), अर्णव जोंधळे (उंच उडी-तृतीय) यांनी यश मिळवले तर 4 x 100 मीटर रिले संघाने तृतीय क्रमांक पटकावला.
17 वर्षांखालील मुलींच्या गटात मुक्ता भुवड (400 मीटर प्रथम), हुमेरा सय्यद (800 मीटर व 1500 मीटर प्रथम), वेदिका बामणे (उंच उडी प्रथम, तिहेरी उडी द्वितीय) आणि सानवी पांचाळ (3 किमी चालणे द्वितीय) यांनी दमदार कामगिरी केली. 4 x 400 मीटर रिले संघानेही प्रथम क्रमांक पटकावला.
मुलांच्या गटात पृथ्वी राजभर (800 मीटर व 1500 मीटर प्रथम) आणि स्मित मोरे (गोळाफेक) यांनी चमकदार कामगिरी केली.
19 वर्षांखालील मुलांच्या गटात विराज हुमने (110 मीटर अडथळा द्वितीय), अर्ष अडरेकर (गोळाफेक प्रथम), अजिंक्य भायजे (थाळीफेक प्रथम), आदित्य गमरे (क्रॉसकंट्री प्रथम), सुमित खापरे (तिहेरी उडी तृतीय) तसेच 4 x 400 मीटर रिले संघाने प्रथम आणि 4 x 100 मीटर रिले संघाने तृतीय क्रमांक मिळवला.
19 वर्षांखालील मुलींच्या गटात प्रचिती भारती (100 मीटर प्रथम), सलोनी घाणेकर (200 मीटर व 800 मीटर द्वितीय), सलोनी नाचणकर (400 मीटर प्रथम, लांब उडी द्वितीय), श्रावणी हुमणे (गोळाफेक प्रथम, थाळीफेक व भालाफेक द्वितीय) आणि श्रावणी राडे (100 मीटर तृतीय) यांनी उत्कृष्ट कामगिरी केली. 4 x 100 आणि 4 x 400 मीटर रिले संघांनी प्रथम क्रमांक पटकावला.
या सर्व विजयी खेळाडूंना जिल्हास्तरीय मैदानी स्पर्धेत चिपळूण तालुक्याचे प्रतिनिधित्व करण्याची संधी मिळाली आहे. खेळाडूंना प्रशिक्षक दादासाहेब पांढरे, रोहित गमरे, अमृत कडगावे आणि प्रशांत सकपाळ यांनी मार्गदर्शन केले.
सावर्डे विद्यालयाच्या या विजयी कामगिरीबद्दल यशस्वी खेळाडू व मार्गदर्शक शिक्षकांचे सह्याद्री शिक्षण संस्थेचे कार्याध्यक व आमदार शेखरजी निकम,ज्येष्ठ संचालक व शालेय समितीचे चेअरमन शांताराम खानविलकर,संस्थेचे सर्व संचालक व पदाधिकारी, सचिव महेशजी महाडिक,शालेय समितीचे सर्व पदाधिकारी व विद्यालयाचे प्राचार्य राजेंद्र वारे, उपप्राचार्य विजय चव्हाण,विद्यालयातील सर्व शिक्षक, शिक्षकेतर कर्मचारी यांनी अभिनंदन केले असून जिल्हास्तरीय स्पर्धेसाठी शुभेच्छा दिले आहेत.
सह्याद्रीचा झेंडा पुन्हा एकदा जिल्हास्तरावर फडकणार आहे!
मैदानी स्पर्धेत यशस्वी विद्यार्थी व मार्गदर्शक शिक्षक