दिनांक 16 ऑगस्ट रोजी सकाळी 7:30 वाजताच्या सुमारास मौजे पाटगाव देवरुख रत्नागिरी रस्ता तालुका संगमेश्वर जिल्हा रत्नागिरी या रस्त्याचे बाजूला काळा बिबट्या आढळून आला त्या बाबतची बातमी ग्रामस्थ पाटगाव यांनी वनपाल संगमेश्वर देवरुख यांना दिली.
मिळालेली माहिती वरिष्ठांना देऊन सर्व स्टाफसह साहित्यासह जागेवर जाऊन खात्री केली असता सदर ठिकाणी काळा बिबट निपचित पडलेल्या अवस्थेत आढळून आला, त्याला सहाय्यक आयुक्त पशुसंवर्धन तालुका लघु पशुवैद्यकीय सर्व चिकित्सक विभाग देवरुख डॉ श्री युवराज शेट्ये यांना बोलावून त्यांच्याकडून वैद्यकीय तपासणी करून घेतली. उपासमारीमुळे सदरचा काळा बिबट हा निपचिप पडला असले बाबत पशुवैद्यकीय अधिकारी यांनी सांगितले. बिबट्या नर असुन त्याचे वय अंदाजे एक वर्षे आहे , तसेच डॉक्टर संतोष वाळवेकर, वन्यजीव पशुवैद्यकीय अधिकारी, कोल्हापूर वनविभाग, डॉ निखिल बनगर वन्यजीव पशुवैद्यकीय अधिकारी सातारा वनविभाग सह्याद्री व्याघ्र प्रकल्प श्री कुंभार पशुपर्यवेक्षक कोल्हापूर यांचे मार्गदर्शनाखाली सदर बिबट्याची वैद्यकीय उपचार चालू आहे. सदर वेळी घटनास्थळी सहाय्यक वन संरक्षक रत्नागिरी चिपळूण श्रीमती प्रियंका लगड परिक्षेत्र वन अधिकारी रत्नागिरी श्री प्रकाश सुतार, परिमंडळ वन अधिकारी ,संगमेश्वर देवरुख ,श्री. न्हानू गावडे, वनरक्षक साखरपा श्री. सहयोग कराडे , वनरक्षक दाभोळे श्रीमती सुप्रिया काळे, वन्यजीव अभ्यासक श्री प्रतिक मोरे डॉ सार्दुल केळकर, विराज आठल्ये , डॉ प्रितेश आढाव रा देवरूख हे उपस्थित होते. बिबट्या ची तब्येत बरी होत आहे परंतु आणखी काही दिवस उपचार करणे आवश्यक असल्याचे पशुवैद्यकीय अधिकारी यांचे मत असल्याने तसेच देवरुख किंवा रत्नागिरी मध्ये बिबट्या करिता वैद्यकीय सुविधा नसल्याने व सद्या जास्त प्रमाणात पाऊस पडत असल्याने वातावरण बदल होत आहे म्हणून मा मुख्य वनसंरक्षक कोल्हापूर गुरुप्रसाद सर यांचे मार्गदर्शन खाली सदर बिबट्या वर उपचार करणे करीता सातारा वनविभाग मधील टि टि सी सेंटर सातारा येथे पाठविण्यात आले आहे सदरची कार्यवाही विभागीय वन अधिकारी रत्नागिरी चिपळूण श्रीमती गिरीजा देसाई तसेच सहाय्यक वनसंरक्षक रत्नागिरी चिपळूण श्रीमती प्रियंका लगड यांच्या मार्गदर्शनाखाली करण्यात आली आहे. अशा प्रकारच्या घटना घडल्यास किंवा वन्यप्राणी अडचणीत सापडल्यास वनविभागाचा टोल फ्री क्रमांक 1926 किंवा 9421 741335 या क्रमांकावर संपर्क साधण्याचे आवाहन विभागीय वनाधिकारी रत्नागिरी गिरीजा देसाई यांनी केले आहे.