दिनांक 27/ 7/ 2025 रोजी सकाळी 07:30 च्या दरम्यान मौजे तुरळ सांगडेवाडी ता संगमेश्वर जि रत्नागिरी येथे श्री. मधुकर चव्हाण यांचे राहत्या घराचे मागे असलेल्या कोंबड्याचे पोल्ट्री मध्ये बिबट्या वन्यप्राणी शिरला असले बाबत ची बातमी श्री जितेंद्र चव्हाण मनसे जिल्हा प्रमुख यांनी परिमंडळ वन अधिकारी संगमेश्वर देवरुख यांना दिली. मिळालेली माहिती वरिष्ठांना देऊन सर्व स्टाफ रेस्क्यू टीम पिंजरा व इतर साहित्य सह जागेवर जाऊन खात्री करता सदरचा बिबट्या कोंबड्याचे पोल्ट्री मध्ये अडकलेला आढळून आला. सदर ठिकाणी ग्रामस्थांची प्रचंड गर्दी असलेने पोलीस निरीक्षक संगमेश्वर यांचेशी संपर्क करून गर्दी पांगविणे साठी पाचारण केले. वनविभागाचे कर्मचारी व पोलीस कर्मचारी यांनी गर्दी पांगवण्याचे काम केले. तद्नंतर सदर कोंबड्याचे पोल्ट्री फार्मचे सभोवार योग्य ती खबरदारी घेऊन शेडनेट लावले. कोंबड्याचे पोल्ट्रीचे मुख्य दरवाजाचे तोंडावर पिंजरा लावुन वरील भागात लाकडी फळया मारल्या. कोंबड्याचे पोल्ट्री फार्म मध्ये असलेल्या चार कंपार्टमेंट मध्ये फिरत असलेल्या बिबट्याला योग्य ती खबरदारी घेवुन अडीच तासांचे अथक प्रयत्नांनंतर बिबट्यास सुरक्षित रित्या पिंजऱ्यात जेरबंद केले. सदरवेळी घटनास्थळी परीक्षेत्र वन अधिकारी रत्नागिरी श्री प्रकाश सुतार,परिमंडळ वन अधिकारी श्री न्हाणू गावडे वनरक्षक साखरपा श्री सहयोग कराडे वनरक्षक फुणगूस श्री आकाश कडुकर वनरक्षक दाभोळे श्रीमती सुप्रिया काळे वनरक्षक जाकादेवी श्री मती शर्वरी कदम वनरक्षक कांदळवन कक्ष रत्नागिरी, किरण पाचारणे, वनरक्षक आरवली श्री सुरज तेली, वनरक्षक वनउपज तपासणी नाका साखरपा श्री रणजीत पाटील, प्राणी मित्र महेश धोत्रे, निसर्गमित्र अनुराग आखाडे, श्री संदीप गुरव संदीप उजगावकर हे उपस्थित होते. तसेच पोलीस विभागाचे पोलीस निरीक्षक संगमेश्वर श्री चव्हाण, पोलीस उपनिरीक्षक श्री गावित, हेड कॉन्स्टेबल श्री जाधव श्री अरुण वानरे, पोलीस कॉन्स्टेबल श्री लोखंडे व श्री खाडे हे उपस्थित होते. तसेच घटनास्थळी सरपंच तुरळ श्री सहदेव सुवरे , उपसभापती श्री दिलीप सावंत,पोलीस पाटील तुरळ श्रीमती वर्षा सुर्वे,पोलीस पाटील हरेकर वाडी संजय धाकटे, पोलीस पाटील गोळवली अनंत पाध्ये, पत्रकार दीपक तुळसणकर व मिलिंद चव्हाण, श्री विचारे, श्री कडवईकर, श्री पापा चव्हाण उपस्थित होते. सदर रेस्क्यू कामी स्थानिक ग्रामस्थांचे सहकार्य लाभले. सदर बिबट्या वन्य प्राण्यास कोणताही विलंब न करता सुरक्षितरीत्या ताब्यात घेतल्या बाबत ग्रामस्थांनी वनविभागाचे कौतुक केले. वन अधिकारी यांनी ग्रामस्थांचे चांगले सहकार्य केल्याबद्दल आभार मानले. सदर बिबट्याची पशुवैद्यकीय अधिकारी कडवई श्री बेलोरे यांचे कडून वैद्यकीय तपासणी करून घेतले ती मादी असून वय अंदाजे आडीच ते तिन वर्ष आहे बिबट्या तंदुरुस्त असल्याने नैसर्गिक अधिवासात मुक्त केले.सदर रेस्क्यू ची कार्यवाही माननीय विभागीय वन अधिकारी रत्नागिरी चिपळूण श्रीमती गिरीजा देसाई तसेच सहाय्यक वनसंरक्षक रत्नागिरी चिपळूण श्रीमती प्रियंका लगड यांच्या मार्गदर्शनाखाली करण्यात आली आहे. अशा प्रकारच्या घटना घडल्यास किंवा वन्यप्राणी अडचणीत सापडल्यास वनविभागाचा टोल फ्री क्रमांक 1926 किंवा 9421741335 या क्रमांकावर संपर्क साधण्याचे आवाहन श्रीमती गिरिजा देसाई विभागीय वन अधिकारी रत्नागिरी चिपळून यांनी केलेले आहे.
दिनांक 27/ 7/ 2025 रोजी सकाळी 07:30 च्या दरम्यान मौजे तुरळ सांगडेवाडी ता संगमेश्वर जि रत्नागिरी येथे श्री. मधुकर चव्हाण यांचे राहत्या घराचे मागे असलेल्या कोंबड्याचे पोल्ट्री मध्ये बिबट्या वन्यप्राणी शिरला असले बाबत ची बातमी श्री जितेंद्र चव्हाण मनसे जिल्हा प्रमुख यांनी परिमंडळ वन अधिकारी संगमेश्वर देवरुख यांना दिली.
