🟢 जिल्हास्तरीय रायफल शूटिंग स्पर्धेत पालीच्या कुमार प्रसाद कोलतेचा द्वितीय क्रमांक 🟢

पाली (प्रतिनिधी) : महाराष्ट्र राज्य क्रीडा व युवक सेवा संचालनालय, पुणे यांच्या अंतर्गत जिल्हा क्रीडा परिषद व जिल्हा क्रीडा अधिकारी कार्यालय रत्नागिरी यांच्या संयुक्त विद्यमाने आयोजित जिल्हास्तरीय शालेय रायफल शूटिंग स्पर्धा मंगळवार दि. 23 सप्टेंबर 2025 रोजी श्री वालावलकर जोशी चारिटेबल ट्रस्ट, डेरवण येथे पार पडली.

या स्पर्धेत मराठा मंदिर न्यू इंग्लिश हायस्कूल अँड ज्युनिअर कॉलेज, पालीचा इयत्ता सातवी अ मधील विद्यार्थी कुमार प्रसाद अमर कोलते याने चमकदार कामगिरी करत 14 वर्षाखालील मुलांच्या गटामध्ये ओपन साईड रायफल स्पर्धेत एकूण 270 पॉईंट मिळवत द्वितीय क्रमांक पटकावला.

या उल्लेखनीय यशाबद्दल पाली परिसरात कुमार प्रसाद कोलतेचे अभिनंदन होत असून, त्याच्या कर्तृत्वाचा अभिमान वाटत आहे.

यावेळी शाळेचे प्राचार्य श्री. कुशाबा करे, पर्यवेक्षिका सौ. नम्रता गोखटे, मराठा मंदिर संस्थेचे पदाधिकारी, शिक्षकवृंद, शिक्षकेतर कर्मचारी, शिक्षक-पालक संघ, शाळा व्यवस्थापन समितीचे पदाधिकारी व ग्रामस्थांनी त्याचे मनःपूर्वक अभिनंदन केले.

🏆 कुमार प्रसाद कोलते याने साधलेल्या या यशामुळे पाली परिसरातील शालेय क्रीडा क्षेत्रात आनंदाचे वातावरण पसरले आहे.