भागोजीशेठ कीर जयंती निमित्त रत्नागिरीत काढण्यात आली भव्य रॅली- पतितपावन मंदिरात ऐतिहासिक सहभोजन..
रत्नागिरी : समाजातील समता, बंधुभाव आणि दानशूरतेचा संदेश देणारे ज्येष्ठ समाजसेवक भागोजीशेठ कीर यांच्या जयंतीनिमित्त रत्नागिरी शहरात भव्य रॅली काढण्यात आली. विविध सामाजिक संस्था, युवक मंडळे आणि नागरिक मोठ्या संख्येने या रॅलीत सहभागी झाले होते.
भागोजीशेठ कीर हे आपल्या उदार दानशूर वृत्तीमुळे ओळखले जातात. शिक्षण, सामाजिक कार्य आणि सर्वसमावेशकतेच्या विचारांचा त्यांनी आयुष्यभर पुरस्कार केला. समाजातील वंचित घटकांना मुख्य प्रवाहात आणण्यासाठी त्यांनी महत्त्वपूर्ण योगदान दिले.
जयंती निमित्त शहरातील पतितपावन मंदिर येथे सहभोजन कार्यक्रमाचे आयोजन करण्यात आले. होते.रत्नागिरीत १९३० साली झालेल्या पहिल्या सहभोजनाच्या ऐतिहासिक परंपरेला पुढे नेणारा हा उपक्रम मानला जातो. दुपारी १ ते ४ या वेळेत पार पडलेल्या सहभोजनात विविध समाजघटकांनी एकत्र येत सामाजिक ऐक्याचा संदेश दिला.
या कार्यक्रमामुळे समाजातील समता, बंधुभाव आणि परस्पर सन्मानाची मूल्ये अधिक दृढ झाल्याची भावना उपस्थितांनी व्यक्त केली. शहरात उत्साहाचे वातावरण असून जयंती सोहळ्यामुळे सामाजिक एकात्मतेचा नवा संदेश पुन्हा अधोरेखित झाला आहे