👉मत्स्य व बंदरे मंत्री नितेश राणे यांच्या आदेशाला न जुमानता रत्नागिरी च्या समुद्रात मत्स्यव्यवसाय विभागाच्या आशिर्वादाने बेकायदेशीर LED व लाईट लावून मासेमारी आणि मिनी पर्ससीन ( रिंग सीन) ने बेकायदेशीर मासेमारी करीत असल्याचा आरोप दत्तगुरु कीर, सचिव, रत्नागिरी तालुका शाश्वत मच्छीमार हक्क संघ यांनी केला आहे

👉मत्स्य व बंदरे मंत्री नितेश राणे यांच्या आदेशाला न जुमानता रत्नागिरी च्या समुद्रात मत्स्यव्यवसाय विभागाच्या आशिर्वादाने बेकायदेशीर LED व लाईट लावून मासेमारी आणि मिनी पर्ससीन ( रिंग सीन) ने बेकायदेशीर मासेमारी करीत असल्याचा आरोप दत्तगुरु कीर, सचिव, रत्नागिरी तालुका शाश्वत मच्छीमार हक्क संघ यांनी केला आहे.
दरम्यान बेकायदा मासेमारी करणाऱ्या बोटीवर लक्ष ठेवण्यासाठी मत्स्य व बंदरे मंत्री नितेश राणे यांनी कार्यान्वित केलेला ड्रोन मागील काही दिवसांपासून बंद असल्याचे समजते–
👉महाराष्ट्र शासनाने पर्ससीन मासेमारी परवाने देणे बंद केले आहेत त्यामुळे आजच्या तारखेला रत्नागिरी जिल्ह्यात एकही पर्ससीन परवाना नाहीच पण रत्नागिरी जिल्ह्यातील अनेक मच्छीमार बांधव आपल्या नवीन यांत्रिक लोखंडी, फायबर नौका बांधून येतानाच आपल्या नौकांवर पर्ससीन साहित्य बसवून आणतात आणि नौकेवर पर्ससीन साहित्य बसवून रजिस्ट्रेशन करण्यासाठी रत्नागिरी मत्स्य खात्याकडे नौकेचा प्रस्ताव सादर करतात आणि सहाय्यक आयुक्त जीवन सावंत स आणि परवाना अधिकारी महाराष्ट्र शासनाने पर्ससीन परवाने बंद केलेले असताना देखील सदर नौकांवरील पर्ससीन साहित्य न उतरवता ह्या नौकांना पाच ते सहा दिवसांत VRC (कौल) आणि ट्रॉलिंग चा परवाना देतात ट्रॉलिंग चा परवाना देतात. पण नौकेमध्ये साहित्य मात्र पर्ससीन चे बसविलेले असते ह्या मध्ये मोठे आर्थिक व्यवहार होताना दिसून येतात. म्हणून रत्नागिरीत मोठ्या प्रमाणात बेकायदेशीर पर्ससीन ने मासेमारी करत आहेत. तसेच बिगर यांत्रिक नौकांना VRC (कौल ) आणि परवाना द्यायला सुमारे चाळीस ते पन्नास दिवस लागतात.

महाराष्ट्र राज्याच्या जलधि क्षेत्रात पर्ससीन नेट ने मासेमारी करण्यास बंदी घातली असताना देखील रत्नागिरी जिल्ह्यात मात्र ‘ रत्नागिरी सहाय्यक आयुक्त मत्स्यव्यवसाय श्री.जे.डी.सावंत साहेबांच्या आशिर्वादाने रत्नागिरीतील काळबादेवी,मिऱ्या, मिरकरवाडा , भाट्ये,जयगड,व इतर बंदरात राजरोसपणे बेकायदेशीर मिनी पर्ससीन (रिंग सीन)ने मोठ्या प्रमाणात मासेमारी चालू आहे.

रत्नागिरी जिल्ह्यात शेकडो यंत्रचलित आऊट बोट इंजिन नौका मालक आपल्या नौकांवर सहाय्यक आयुक्त सावंत साहेबांच्या आशिर्वादाने कुठलाही परवाना न घेता बेकायदेशीर पर्ससीन साहित्य,जाळी/रापण बसवून राज्याच्या जलधि क्षेत्रातील मिरकरवाडा,राजिवडा, भाट्ये,मिऱ्या, काळबादेवी, जयगड व इतर बंदरात राजरोसपणे बेकायदेशीर पर्ससीन नेट ने मासेमारी करत आहेत या नौका एकदम छोटी छोटी माशांची पैदास मारत आहेत.कारण ह्या नौका सुमारे १८ ते २० मिली मिटरची जाळी/ रापण वापरतात महाराष्ट्र शासनाच्या सागरी नियमानुसार अशी जाळी/ रापण वापरण्यास बंदी आहे.
महाराष्ट्र शासनाने पापलेट माशाला राज्य माशाचा दर्जा दिला आहे पण या नौका एकदम छोटी पापलेट मारुन महाराष्ट्र शासनाच्या आदेशाल सावंत साहेबांच्या आशिर्वादाने केराची टोपली दाखवली जात आहे.
रत्नागिरी मत्स्य खात्याच्या अधिकाऱ्यांनी अशा बेकायदेशीर मिनी पर्ससीन ( रिंग सीन) ने मासेमारी करणाऱ्या या नौकांवर बंदरातच (किनारी) उभ्या असताना किंवा मासेमारी करुन आल्यावर मच्छी खाली करताना शासकीय सागरी कायद्यानुसार कारवाई केली तर दंडाच्या स्वरूपात लाखो रुपये शासनाच्या तिजोरीत जमा होतील आणि गस्ती ला जाणाऱ्या नौकेला लागणारे डिझेल चा खर्च व इतर खर्च हि कमी होतील पण हे रत्नागिरी मत्स्य खात्याचे संबंधित अधिकारी असे करणार नाहीत कारण ह्या अधिकाऱ्यांचे मोठ्या प्रमाणात होणारे आर्थिक व्यवहार बंद होतील म्हणूनच रत्नागिरी मत्स्य खात्याचे संबंधित अधिकारी बेकायदेशीर मिनी पर्ससीन ( रिंग सीन) ने मासेमारी करणाऱ्या नौकांवर कारवाई करत नाहित असे’ रत्नागिरी तालुका शाश्वत मच्छीमार हक्क संघटनेचे नेते दत्तगुरु यांनी आपल्या निवेदनात म्हटले आहे..