डॉ तानाजीराव चोरगे वरिष्ठ कला व वाणिज्य महाविद्यालय मांडकी पालवण या महाविद्यालयात राजर्षी शाहू महाराज जयंती व सामाजिक न्याय दिन उत्साहात साजरा.
चिपळूण :-महाविद्यालयात राजर्षी शाहू महाराज जयंती निमित्त सामाजिक न्याय दिन उत्साहात साजरा करण्यात आला. कार्यक्रमाची सुरुवात राजर्षी शाहू महाराज यांच्या प्रतिमेचे पूजन व पुष्पहार अर्पण करून झाली.
यावेळी प्रमुख पाहुणे श्री.कांबळे सर यांनी आपल्या मनोगतात राजर्षी शाहू महाराज यांनी शिक्षण, सामाजिक समता, आरक्षण, स्त्रीशिक्षण आणि वंचित घटकांच्या उन्नतीसाठी केलेल्या कार्याचा आढावा घेतला. त्यांनी विद्यार्थ्यांना सामाजिक न्याय, समानता आणि मानवतेची मूल्ये जोपासण्याचे आवाहन केले.
कार्यक्रमात प्राध्यापक मनोगतात प्रा .संदीप येलये यांनी आपल्या मनोगतात राजर्षी शाहू महाराज यांच्या कार्यावर मार्गदर्शन केले. विद्यार्थ्यांनी मनोगते व्यक्त करून सामाजिक न्यायाची संकल्पना आणि शाहू महाराजांच्या विचारांचे महत्त्व स्पष्ट केले.
या कार्यक्रमास महाविद्यालयातील प्राध्यापक, शिक्षकेतर कर्मचारी आणि मोठ्या संख्येने विद्यार्थी उपस्थित होते. कार्यक्रमाचे सूत्रसंचालन कु सुप्रिया चौघुले यांनी केले, तर आभार प्रदर्शन कु सुरभी जाधव यांनी मानले. संपूर्ण कार्यक्रम उत्साहपूर्ण आणि प्रेरणादायी वातावरणात संपन्न झाला.
डॉ.तानाजीराव चोरगे वरिष्ठ कला व वाणिज्य महाविद्यालय मांडकी पालवण या महाविद्यालयात राजर्षी शाहू महाराज जयंती व सामाजिक न्याय दिन उत्साहात साजरा
