बारामती: महाराष्ट्राचे माजी उपमुख्यमंत्री अजित पवार यांच्या अकाली निधनामुळे संपूर्ण राज्य शोकसागरात बुडाले आहे. याच पार्श्वभूमीवर भाजप आमदार व मत्स्य आणि बंदरे विकास मंत्री तथा सिंधुदुर्ग जिल्ह्याचे पालकमंत्री नितेश राणे यांनी बारामती येथे जाऊन पवार कुटुंबीयांची भेट घेतली आणि त्यांचे सांत्वन केले. यावेळी त्यांनी दिवंगत अजितदादांना भावपूर्ण श्रद्धांजली अर्पण केली.
नितेश राणे यांनी बारामती येथील निवासस्थानी जाऊन पार्थ पवार यांची भेट घेतली. अजितदादांच्या निधनामुळे पवार कुटुंबावर कोसळलेल्या दुःखात सहभागी होत त्यांनी धीर दिला. “पवार कुटुंबीयांवर कोसळलेल्या या दुःखातून सावरण्याचे बळ त्यांना मिळो, हीच ईश्वरचरणी प्रार्थना,” अशा शब्दांत नितेश राणे यांनी आपल्या भावना व्यक्त केल्या.