राजापूर चे नाव उज्ज्वल करीत एनएमएमएस’ परीक्षेत अक्सा खलिफे हिने उर्दू माध्यमातून जिल्ह्यात प्रथम येण्याचा पटकाविला मान

राजापूर चे नाव उज्ज्वल करीत एनएमएमएस’ परीक्षेत अक्सा खलिफे हिने उर्दू माध्यमातून जिल्ह्यात प्रथम येण्याचा पटकाविला मान—

👉 महाराष्ट्र राज्य परीक्षा परिषद, पुणे यांच्या वतीने घेण्यात आलेल्या ‘ नॅशनल मीन्स कम मेरिट स्कॉलरशिप ( N.M.M.S.) परीक्षेचा निकाल नुकताच जाहीर झाला . या परीक्षेत रत्नागिरी जिल्ह्यातील राजापूर येथील नवजीवन हायस्कूलची विद्यार्थीनी कुमारी अक्सा वसिम खलिफे हिने नेत्रदीपक यश संपादन केले आहे . अक्साने उर्दू माध्यमातून संपूर्ण रत्नागिरी जिल्ह्यातून प्रथम क्रमांक पटकावून आपल्या प्रशालेचा आणि राजापूर शहराचा नावलोकीक वाढवला आहे.
मेहमत आणि चिकाटीचे हे फळ आहे – NMMS परीक्षा ही इयत्ता 8 वी च्या विद्यार्थ्यांसाठी अत्यंत आव्हानात्मक मानली जाते . अक्साने आपल्या जिद्द चिकाटी आणि कठोर मेहनतीच्या जोरावर हे यश मिळवले आहे. ग्रामीण भागातील आणि उर्दू माध्यमाच्या शाळेत शिक्षण घेणा- या या विद्यार्थीनीने मिळवलेले हे यश इतर विद्यार्थ्यांसाठी प्रेरणादायी ठरत आहे .

शिष्यवृत्तीसाठी पात्र – जिल्ह्यात प्रथम क्रमांकासह उत्तीर्ण झाल्यामुळे अक्सा आता केंद्र सरकारकडून मिळणा-या राष्ट्रीय शिष्यवृत्तीसाठी पात्र ठरली आहे . अक्साच्या या यशाने तिच्या कुटुंबात आनंदाचे वातावरण असून तिचे सर्व स्तरांतून कौतुक होत आहे.
यशामध्ये शिक्षक आणि पालकांचा वाटा – आपल्या या यशाचे श्रेय अक्साने नवजीवन हायस्कूलमधील शिक्षकांचे मार्गदर्शन आणि पालकांनी दिलेल्या पाठिंब्याला दिले आहे . शाळेच्या मुख्याध्यापकांनी आणि शिक्षक वृंदाने अक्साचे अभिनंदन करुन तिला पुढील वाटचालीस शुभेच्छा दिल्या आहेत.

NMMS परीक्षेचे महत्व – आर्थिकदृष्ट्या दुर्बल घटकातील हुशार विद्यार्थ्यांना उच्च शिक्षणासाठी प्रोत्साहन मिळावे, यासाठी केंद्र सरकारतर्फे ही परीक्षा घेतली जाते . या परीक्षेत उत्तीर्ण होणा-या विद्यार्थ्यांना इयत्ता 9 वी 12 वी पर्यंत दरमहा ठरावीक रक्कम शिष्यवृत्ती म्हणून दिली जाते . अक्साने मिळवलेल्या या यशामुळे उर्दू माध्यमाच्या गुणवत्तेवर पुन्हा एकदा शिक्कामोर्तब झाले आहे…