रत्नागिरीतील शिवसृष्टी आणि थ्रीडी मल्टीमिडिया शोच्या लोकार्पण सोहळ्याला राज्याचे उपमुख्यमंत्री तथा अर्थमंत्री अजित पवार हे आज रत्नागिरीत येत आहेत. या दौर्यात ते चंपक मैदानातील रटन टाटा स्किल सेंटरचे भूमिपूजन करणार आहेत. याच दौर्यात ते तारांगणलाही भेट देण्याची शक्यता आहे.
*रत्नागिरीतील पेठकिल्ला येथे शिवकालीन गाव किंवा शिवसृष्टी उभारण्यात आली आहे. त्याचबरोबर थिबा राजवाडा येथे थ्रीडी मल्टीमिडिया शोचे काम पूर्ण झाले आहे. शिवसृष्टीसाठी 11 कोटी तर मल्टीमीडिया शो साठी 20 कोटी रुपये खर्च केले आहेत. हे दोन्ही उपक्रम रत्नागिरीच्या पर्यटनाला चालना देणारे ठरणार आहे.
रत्नागिरीतील या तिन्ही कार्यक्रमांना उपमुख्यमंत्र्यांसोबत गृहराज्यमंत्री योगेश कदम, खासदार. नारायण राणे, खासदार. सुनिल तटकरे, आमदार. किरण सामंत, आमदार शेखर निकम, आमदार निरंजन डावखरे, आमदार भास्कर जाधव, आमदार प्रसाद लाड, आमदार ज्ञानेश्वर म्हात्रे उपस्थित राहणार आहेत.
पेठकिल्ल्यातील शिवसृष्टीचा लोकार्पण सोहळा आज सायंकाळी 6.30 वाजता तर थ्रीडी मल्टीमिडिया शोचे (खुले नाट्यगृह) लोकार्पण सायं. 7.30 वा. होणार आहे. तत्पूर्वी चंपक मैदान येथील स्किल डेव्हलपमेंट सेंटरचे भूमिपूजन सायं. 4 वा. च्या सुमारास होणार आहे. या कार्यक्रमाला अभियांत्रिकी शिक्षण घेणारे विद्यार्थी मोठ्या संख्येने उपस्थित राहणार आहेत.